Tenglar

Nafn:

Hafdal-Hestar ehf

Farsími:

895-1118

Heimilisfang:

Glæsibær 2

Staðsetning:

Eyjafjörður

Kennitala:

660410-0820
Flettingar í dag: 18
Gestir í dag: 10
Flettingar í gær: 37
Gestir í gær: 11
Samtals flettingar: 364200
Samtals gestir: 85774
Tölur uppfærðar: 24.5.2017 07:23:11

Færslur: 2011 Maí

31.05.2011 18:20

Drami

Folinn undan Þraut hefur fengið nafnið Drami,mig hefur lengi langað að nota þetta nafn og mér finnst það passa honum vel þó eyrnastór hefði passað líka því hann hefur fengið eyrun frá mömmu sinni.



Ég tók líka mynd af folanum undan Árdísi. Myndarfoli.


30.05.2011 17:38

Enn fleiri folöld

Það er ekki margt að frétta, nema það fæðast folöld Árdís kastaði í fyrradag bleikálóttum hesti u. Blæ f. Torfunesi,sem er aldeilis að sanna sig þessa dagana, og í morgun var Þraut mín köstuð rauðum hesti u. Glóstein f. Staðartungu Hágangssyni, ég veit ekki hvað er í gangi í fyrsta lagi hafa aldrei allann okkar búskap verið fædd sex folöld í maí og hvað þá fimm hestar, þetta er bara ekki réttlátt. emoticon
 Rikki er alltaf að járna út um allt og lítið gerist í byggingunni. Núna er verið að lakka hesthúsið innan, fengum lakk fyrir helgi sem stóðst ekki okkar kröfur svo það þurfti að skipta í dag og ná í nýtt lakk svo við höfum verið að mála í dag.
 Þetta var fyrsta fríhelgin svona í langan tíma fórum á Dalvík og sáum kynbótasýninguna svo það voru bara rólegheit.
Nú liggur leiðin í Dýrfinnustaði með eina hryssu í sæðingar og svo á að reyna að sjá síðasta hollið í kynbótadómum á Vindheimamelum því Bergsteinn, stóðhesturinn Jónasar yfirsmiðs  verður sýndur þar í dag.
Sýningin tókst mjög vel og fór Bergsteinn í 1. verðlaun, 8.24 í byggingu og 7.96 í hæfileika AE: 8.07. Vonandi hækkar hann í yfirlitinu á laugardaginn svo hann nái inná landsmót.

23.05.2011 13:01

Tvö folöld í viðbót

Spurning kastaði á aðfaranótt sunnudags tinnusvartri meri undan Vísi. Hún er mjög háfætt og falleg. Þar sem Spurning var enþá í hólfi með stóðinu þurftum við að fara og bjarga þeim frá trippavitleysingjunum og þær eru nú komnar upp á tún til hinna folaldsmeranna. Það er erfitt að nálgast Spurningu svo myndirnar eru ekki góðar. Folaldið hefur fengið nafnið Klukka frá Glæsibæ 2




Fold kastaði svo í nótt og þar fengum við moldóttan hest undan Glym frá Innri-Skeljabrekku. Hann er líka mjög fallegur með langan og vel settan háls. Fold er mjög gæf og því var auðveldara að nálgast folann. Hann hefur verið nefndur Geysir frá Glæsibæ 2. Hann er mjög forvitinn og óragur við að athuga hlutina eins og sést á myndinni.






18.05.2011 00:04

Lektun

Þá er búið að lekta utan húsið og Jónas kom og mældi hvað þyrfti mikið af stáli utan á húsið. Við ætluðum að reyna að klæða utan næstu helgi en veðurfarið ætlar að vera með leiðindi svo við höldum okkur innandyra held ég.
Múrinn tókst mjög vel, það er ótrúlega bjart í húsinu.

Sauðburður er hafinn og bornar tvær ær og ein gimbur. Þær hafa borið uppá túni því veðrið er búið að vera svo gott, en nú þorum við ekki annað enn taka þær heim svo hægt verði að setja lambærnar inn ef veðrið gengur eftir.

LektunMúr

15.05.2011 18:06

Þræðing í fyrstu verðlaun

Hesturinn undan Kolfinnu hefur fengið nafnið Mjölnir frá Glæsibæ 2.

Þræðing frá Glæsibæ 2, undan Þrá og Andvara frá Ey I, var sýnd í Þýskalandi núna um helgina og náði í fyrstu verðlaun með aðaleinkunn upp á 8,05. Byggingin hækkaði í 8,18 og hæfileikarnir í 7,95. Þræðing er klárhryssa og fékk hvergi undir 8,5 fyrir hæfileika að skeiðinu undanteknu. Auk þess fékk hún 9 fyrir hægt stökk og stökk. Þræðing er þriðja merin undan Þrá sem fer í fyrstu verðlaun.

Þræðing frá Glæsibæ


Vísir tók þátt í sinni fyrstu keppni í gær. Valgeir skráði þá í fjórgang 2. flokk. Þeir stóðu sig mjög vel og enduðu í 5. sæti. Vísir stóð sig mjög vel og var ekkert að kippa sér upp við öll hrossin sem voru saman komin.



11.05.2011 08:00

Kolfinna köstuð

Kolfinna kastaði loksins í nótt en við erum búin að bíða eftir því að hún kasti í tvær vikur. Það reyndist svo vera brúnn hestur undan Gígjari.


08.05.2011 13:27

Ótitlað

Þá er búið að múra og húsið orðið æðislegt, þetta verður mjög bjart og skemmtilegt. Rikki er búinn að smíða hurðirnar og koma þeim í, svo það var hægt að skála aðeins um helgina. Nú eru þeir feðgar að byrja að lekta, svo hægt sé að einangra og klæða utan.Þeir feðgar eru ánægðir með það sem búið er.Kátir feðgar
Smá glens

07.05.2011 22:10

Myndir

Það voru teknar myndir af nokkrum hrossum í gær og í dag. Hægt er að skoða þær með því að klikka á nöfnin.

Vísir var í feikna stuði í dag og náðust góðar myndir af honum:




Þrenning var líka góð í gær:




Svo voru teknar myndir af Fálka og Gnótt líka.

04.05.2011 22:58

Glæðir

Þá er búið að gefa litla folanum u. Dimmu-Nótt og Tristan nafn og fékk hann nafnið Glæðir. Hann er mjög hress og leikur sér og við höfum ekkert orðið vör við að hann hafi fengið hestapestina eins og folöldin sem fæddust í fyrra.Glæðir

03.05.2011 21:49

Stóðinu gefið ormalyf.



Um daginn rákum við stóðið heim og gáfum ormalyf. Einnig klipptum við hófa og snyrtum smá faxið. Ég (Kristjana) laumaðist til að klippa aðeins hrossin mín því það er ekki vel liðið að það sjáist að hrossin hafi verið klippt of mikið alla vega ekki þvert á toppinn það þykir mjög ljótt. Mér finnst samt að það sé gott að klippa aðeins fax og tagl það vaxi betur þannig, en ég er víst af gamla skólanum.
 Við settum hryssurnar sem kasta fljótlega uppá tún, enda var það eins gott því Dimma kastaði daginn eftir. Svo settum við veturgömlu tryppin og Rós, hryssu sem við seldum og á að temja aðeins í gerðið við hesthúsið.
 Ekki heyrðist múkk hvorki í hryssunum né tryppunum svo þær hafa verið búnar að venja undan sér.

  • 1