Tenglar

Nafn:

Hafdal-Hestar ehf

Farsími:

895-1118

Heimilisfang:

Glæsibær 2

Staðsetning:

Eyjafjörður

Kennitala:

660410-0820
Flettingar í dag: 1
Gestir í dag: 1
Flettingar í gær: 99
Gestir í gær: 19
Samtals flettingar: 360089
Samtals gestir: 84880
Tölur uppfærðar: 31.3.2017 00:21:47

Færslur: 2012 Ágúst

17.08.2012 12:51

Ótitlað

Jæja það er orðið heldur langt síðan síðast var skrifað hér inn.

Það hefur ýmislegt verið gert á þessum tíma s.s. keppnir og heimsóknir o.fl.

Signe fór heim um mánaðarmótin en skólinn byrjar snemma í Danmörku. Það var frábært að hafa hana hér í sumar og við vonum að henni hafi líkað vel. Á sama tíma komu til okkar "Danir" í heimsókn en Gunnar Hafdal, bróðir Rikka, kom í heimsókn ásamt fjölskyldunni. Það var mjög gaman að fá þau hingað og var mikið spjallað og ég er ekki frá því að eitthvað hafi verið drukkið af víni ;). En þau litu líka á hross og leist vel á það sem þau sáu.

7. ágúst kom hingað í heimsókn hópur af Frökkum (reyndar einhverjir frá Belgíu) sem höfðu áhuga á að sjá hvernig íslensk hestamennska væri á hestabúi. Þau eiga íslenska hesta úti en sögðu að það væri lítil þekking á "íslenskri" reiðmennsku þ.e. það eru ekki margir með íslenska hesta í Frakklandi. Þau höfðu mikið af spurningum og varð þetta að einskonar kennslustund. Þetta var mjög gaman og þökkum við þeim kærlega fyrir komuna.



Einarsstaðamótið var haldið líkt og alltaf helgina eftir verslunarmannahelgi. Við létum okkur ekki vanta og mættum með fjóra hesta. Guðrún fór með Kviku í ungmennaflokk og Baldur í 100m skeið, Valgeir fór með Vísi í B-flokk og Rikki fór með Kolbak frá Hrafnsstöðum í B-flokk. Þetta gekk bara þokkalega en það er alltaf einstaklega skemmtilegt að vera með á Einarsstöðum. Guðrún og Kvika fóru í úrslit í ungmennaflokki með einkunnina 8,30 og í 5-6 sæti en hækkuðu í 8,42 og í 3. sæti. Frábært hjá þeim og gaman að sjá að Kvika er öll að koma til eftir meiðslin fyrr í sumar.

Guðrún og Kvika

Valgeir og Vísir

Rikki og Kolbakur

Sömu helgi og Einarsstaðamótið var haldið var haldin Handverkssýning á Hrafnagili og í tengslum við hana Landbúnaðarsýning. Þar var HEÞ með hestasýningu en vegna Einarsstaðamótsins var hún einungis á föstudegi og mánudegi. Við fórum með 3 hross á hana og sýndum klárhross en þar voru ýmis skemmtileg atriði t.d. alhliðahestar, fjölskyldan á hestbaki, krakkar í hindrunarstökki og teymingar upp á gamla mátann. Þetta tókst mjög vel miðað við litlar æfingar og var mjög gaman að taka þátt í þessu.



Ég fann mynd sem tekin var á Einarsstöðum 2009 og aðra sem tekin er nú síðustu helgi. Hestarnir eru á nánast sama stað í brautinni og í sama hreyfistigi. Fyrri myndin er af Baldri frá Þverá en sú seinni af Kviku.



Guðrún og Kvika 2012
  • 1