Tenglar

Nafn:

Hafdal-Hestar ehf

Farsími:

895-1118

Heimilisfang:

Glæsibær 2

Staðsetning:

Eyjafjörður

Kennitala:

660410-0820
Flettingar í dag: 18
Gestir í dag: 10
Flettingar í gær: 37
Gestir í gær: 11
Samtals flettingar: 364200
Samtals gestir: 85774
Tölur uppfærðar: 24.5.2017 07:23:11

Færslur: 2011 Júlí

29.07.2011 13:29

Loftræsting og þakskyggni

Á mánudagskvöldið fóru Rikki og Gunnar að vinna aðeins í að ganga frá þakskyggninu og önduninni sem var dálítið mál en allt gekk það upp sem betur fer.
 Þegar Rikki var í Reiðmanninum í vetur kom Sigtryggur og talaði um húsvist hrossa og hvernig sé best að loftræsta húsið, það segir hann að vilji oft gleymast því það er ekki nóg að opna bara glugga, heldur þarf loftið að leika um húsið á réttan hátt, þá losnum við við amoníaksfýluna og það verður jafnara og betra loft í húsinu ef allt gengur upp.
 Við höfðum ekki spáð mikið í þetta en sáum að þetta væri nauðsynlegt, svo við fórum í Blikkrás og keyptum 12, stúta sem við settum í veggina, 6. hvoru megin sem drægju nóg nýtt loft inní húsið miðað við loftrúm. Svo er strompur til að hringrásin virki, og við höfum hugsað okkur að setja viftu í hann þó það þurfi ekki endilega.
 Vonandi á þetta eftir að reynast vel og öllum að líða vel í húsinu. Stútarnir sjást vel á þessari mynd þar sem Rikki er að eiga við þakskyggnið.

28.07.2011 22:19

Verið að klæða innan.

Plasplöturnar
Á þriðjudaginn kom Helgi B. og það var nærri klárað að setja rakavarnarlagið, þeir voru ekki lengi að þessu enda vanir menn og svo var sá fjórði með en það er Gunnar Þór sonur okkar kominn í heimsókn frá Danmörku, og auðvitað lagði hann hönd á plóg eða þannig.
 Nú er verið að klæða plastplöturnar inní húsið ofan við stíurnar, þetta kemur ágætlega út, en Rikki fræsti úr öllum plötunum og felldi þær saman svo að bleyta og óhreinindi  færu ekki á bakvið þær. Allt svona fiff tekur tíma og svo járnar hann alltaf nokkur hross á hverjum degi svo hesthúsið gengur hægar fyrir vikið.
 Þeir bræður keyrðu heim rúllunum í gær, og við förum að slá bráðum restina af túninu það er komið býsna gras.

Krossviður

Við klæðum með krossvið þar sem hrossin ná ekki að naga. Þetta er kurlgeymslan.

22.07.2011 00:29

Fálki seldur.



Síðasti reiðtúrinn

Þá er Fálki kallinn seldur, frábær klár og góður vinur. Fálki er undan Dimmu-Nótt og Hrym frá Hofi og erfði gráa litinn frá föðurnum. Hann er 5.vetra.
Guðrún hefur tamið hann að flestu ef ekki öllu leiti og tókst mjög vel, hann er einstaklega taumléttur og góður í allri umgengni. Við óskum nýjum eiganda til hamingju með góðan reiðhest og vonandi eiga þau mörg góð ár saman.


20.07.2011 09:28

Klæðning utan.



Þá er tölvan komin úr viðgerð svo það er hægt að halda áfram með fréttir. Hér er búið að klæða hesthúsið utan,Jónas og Helgi B. hjálpuðu okkur við það og er það orðið flott að sjá.



Svo var farið að setja rakavarnarlagið innan og eru þeir feðgar og Helgi hálfnaðir við það.




Þá þurfti að fara að hugsa fyrir stútunum fyrir loftræstinguna og voru boruð sex göt hvoru megin á veggina til að koma stútunum fyrir.
Við slógum líka og rúlluðum í vikunni eftir Landsmót og fengum ágætis uppskeru. Ég held að þetta sé ágætt í bili en hér er nóg um að vera og mikið að ske.

10.07.2011 13:41

Bæjarkeppni Framfara

Við fórum á bæjarkeppni Framfara á Björgum í gær. Það er einskonar firmakeppni sem haldið er á vegum hrossaræktarfélagsins Framfara. Rikki keppti á Þrinnu frá Glæsibæ 2 í karlaflokki og Guðrún á Kviku frá Glæsibæ 2 í kvennaflokki. Valgeir ætlaði sér ekki að vera með í þetta sinn en það breyttist og tók hann þátt í karlaflokki á Ljónslöpp frá Sandhaugum. Ljónslöpp er hryssa sem Vignir og Jónína í Litlu-Brekku eiga.
Þarna vor mörg góð hross og allir flokkar sterkir. Guðrún og Kvika komust í úrslit í kvennaflokki og enduðu þar í fjórða sæti.
Jónína smellti myndum af Valgeiri og Guðrúnu.




10.07.2011 00:20

Nótt loksins köstuð

Þá er síðasta folaldið fætt hér á bæ. Það var mikil spenna að sjá hvaða kyn þetta folald yrði þar sem við höfðum aðeins fengið eina meri það sem af var. Nótt kastaði snemma morguns á miðvikudaginn síðast liðinn en við vorum óviss með kyn þar til í dag. Það var mikill léttir þegar það kom í ljós að þetta er meri. Hún er undan Álfi frá Selfossi og var liturinn smá vonbrigði, brún meri og ekki einu sinni stjarna.


  • 1