Tenglar

Nafn:

Hafdal-Hestar ehf

Farsími:

895-1118

Heimilisfang:

Glæsibær 2

Staðsetning:

Eyjafjörður

Kennitala:

660410-0820
Flettingar í dag: 1
Gestir í dag: 1
Flettingar í gær: 99
Gestir í gær: 19
Samtals flettingar: 360089
Samtals gestir: 84880
Tölur uppfærðar: 31.3.2017 00:21:47

Færslur: 2011 Janúar

25.01.2011 20:18

Fréttir

Enn er steypt, nú var klárað að steypa milli stía vestanmegin svo það er búið, væri frábært ef þessi blíða héldist viku í viðbót svo við gætum klárað að steypa. Guðrún er komin norður svo það er um að gera að drífa áfram hesthúsið svo hægt sé að hafa eitthvað handa henni að gera. Valgeir og hún drifu sig strax á hestbak, létum hana prófa Vísi og henni fannst hann bara mjög góður.

Steypunni dælt.

23.01.2011 13:14

Myndir

Búin að slá frá austanÉg fór og tók slatta af myndum af reisingunni sem ég er búin að setja inn. Núna erum við að fara að slá frá síðustu steypu og undirbúa að steypa á þriðjudag.

22.01.2011 19:26

Búið að reisa.

Ótrúlega góður dagur á enda, búið að reisa alla rammana alveg frábært. í morgun var hvasst og leiðinlegt þannig að það var ákveðið að bíða fram yfir hádegið og það lægði bara í hádeginu,Rikki hringdi í kallana og sagði þeim að koma en þeim fannst þetta skrítið það var enn bálhvasst í bænum. En þó það ræki á bylji stundum tókst okkur þetta í dag og við erum þvílíkt ánægð með daginn.
Svona var í byrjun dags.Sjöundi ramminn





Rammarnir komnir upp.

20.01.2011 13:24

Langbönd

Það kemur mynd á húsið núna með hverjum deginum en menn hafa verið að setja langböndin á. Af því við breyttum römmunum aðeins þurfti að saga nærri hvert einasta langband til svo þetta tekur allt sinn tíma. En núna er gaman að horfa uppeftir og sjá húsið koma í ljós, þetta er ótrúleg breyting svona hátt til lofts og gott pláss. Reyni bráðum að taka fleiri myndir.

Þeir feðgar hafa aðeins verið að reyna að sinna þessum tveimur hrossum sem við erum með á járnum, henni Þrinnu minni sem er undan Þrá og Dagfara frá Kjarnholtum sem við áttum hlut í, Rikki er með hana í skólanum svo það þarf að brúka hana aðeins og svo erum við með stóðhest sem heitir Vísir og er undan Viggu frá Y-Skjaldarvík og Hróð frá Refsstöðum. Þessi hestur er alveg einstaklega geðgóður og skemmtilegur í umgengni og Valgeir hefur svo gaman af því að ríða honum en það er verið að reyna að koma honum í form svo hægt sé að senda hann í framhaldsþjálfun.

Þessa mynd tókum við heima í garði í fyrravor þegar Vísir fór í byggingadóm og fékk 8.16 í bygg.


17.01.2011 20:06

Byrjað að reisa.



Í dag var byrjað að reisa stálrammana. Þeir komu frá Mörg smáverk ehf. Elli og Þórður og það gekk glatt að setja upp gömlu rammana og ég hélt þetta kláraðist í dag en það fór öðruvísi. Við þurftum að kaupa einn nýjan ramma sem var sver og þungur og þurfti aðeins að laga til svo að tíminn flaug og það tókst bara að setja upp fimm ramma.  En þetta er samt mjög góður árangur og Rikki, Jónas, Valgeir og Hafþór eru enn að setja langbönd á og ganga frá.

12.01.2011 22:44

Steypufréttir


Í gærkvöldi náði Rikki nú ekki veðurfréttum fyrr en eftir seinnifréttir, og þá sá hann það væru hlýindi í spánni svo að það væri hægt að steypa í dag. Hann hringdi strax í Jónas og sagði honum að koma í fyrramálið. Hann fékk Hafþór til að koma, og þeir mokuðu snjó í allann morgun, en það skóf nærri strax í allt aftur en Rikki gaf sig ekki það yrði steypt. Eftir mikinn snjómokstur og vatnsaustur til að bræða snjó úr mótunum tókst þetta loksins og það var steypt kl.4. í dag svo það eru allir mjög ánægðir með daginn i dag hér á bæ.



07.01.2011 16:29

Brjálað veður

Það er búið að vera brjálað veður, í gær var valla hægt að fara út úr húsi. Veðrið fór að lagast upp úr hádeginu í dag og þá dreif Rikki sig út bara til að gera eitthvað hann var alveg búinn á því, hann bara þolir ekki að vera í rólegheitum hérna heima. Mér sýnist miðað við veðurspá að það verði ekki steypt á næstunni en við förum þá bara að undirbúa reisingu á grindinni og verðum tilbúin þegar frostið hættir að bíta.


  • 1