Tenglar

Nafn:

Hafdal-Hestar ehf

Farsími:

895-1118

Heimilisfang:

Glæsibær 2

Staðsetning:

Eyjafjörður

Kennitala:

660410-0820
Flettingar í dag: 53
Gestir í dag: 11
Flettingar í gær: 44
Gestir í gær: 15
Samtals flettingar: 371101
Samtals gestir: 87041
Tölur uppfærðar: 21.8.2017 19:28:08

Færslur: 2009 Júlí

31.07.2009 21:33

Nótt köstuð


Mér varð ekki að ósk minni með það að Nótt myndi eignast hryssu því í morgun fæddist brúnn hestur undan Andvara  f. Ey og er það fimmti hesturinn og síðasta folaldið í sumar og er þetta alveg skelfilegt að fá eingöngu hesta þar sem mér er hálf illa við hestfolöld en svona er lífið maður fær víst ekki allt sem maður vill, kannski verða þetta allt saman stóðhestar hef samt ekki trú á því annars var þetta fallegur hestur og hefur hann fengið nafnið Byr

29.07.2009 21:16

Hryssur undir stóðhesta

Þrá og Markús
Fyrir nokkrum dögum fórum við með Þrá  til Einars á Brúnum en hann er með Markús frá Langholtsparti á seinna gangmáli og nú er bara að vona að sú gamla haldi  en hún er 25 vetra  og var geld í vor við Blæ f. Hesti svo að kanski er hún bara búin en það væri samt gaman að fá aðra Þrumu undan þeim svona í lokin.
Um helgina fórum við með Hremmsu til Andvara frá Ey en hann er hjá Soffa á Hrafnsstöðum og vonum við að það beri árangur, við erum svo heppin að eiga einn hlut í Andvara frá Ey þeim mikla kynbótahesti.

27.07.2009 20:14

Hremmsa köstuð

Hremmsa og Gammssonur

Þá er Hremmsa köstuð og átti hún rauðblesóttan hest sem er undan Gammi f. Steinnesi og er það fjórði hesturinn í röð  þetta árið en ennþá höfum við ekki fengið hryssu en það er smá von því Nótt er óköstuð við Andvara f. Ey

13.07.2009 21:13

Þruma á HM

Ríkarður á Þrumu
Þá er það ákveðið að Þruma f. Glæsibæ mun keppa fyrir Ísland á Hm í Sviss í kynbótahryssum 7v og eldri, Þruma er undan Þrá f. Glæsibæ og Markúsi f. Langholtsparti, Þrumu seldum við Aage Ramsing í Danmörku og á hann hana enn, knapi á Þrumu er og hefur alltaf verið Gunnar Hafdal bróðir minn.
Þruma var sýnd í Þýskalandi í vor og fékk í byggingu 8,23 og fyrir hæfileika 8,55 og aðaleinkun 8,43 og vonum við að hún eigi eitthvað inni því ekki væri amalegt að eignast annan heimsmeistara frá Glæsibæ en Ketill frá Glæsibæ varð á sínum tíma heimsmeistar í gæðingaskeiði með eiganda sinn Höskuld Aðalsteinsson í Austurríki á baki.
Til gamans má nefna það að Ketill og Þrá eru sammæðra undan Nótt frá Hvassafelli Eyjaf. Náttfaradóttur.

13.07.2009 19:40

Kolfinna undir Klett frá Hvammi

Þetta árið fór Kolfinna undir Klett frá Hvammi en hann er í hólfi í Austvaðsholti í Rangárþingi þannig að þetta var smá skrepp á Raminum (altaf gaman að keyra Ram) vonandi verðum við heppin og fáum folald og þá er á óskalistanum brúnskjótt hryssa, við höfum mikla trú á Kletti enda hefur hann verið að sanna sig sem kynbótahestur.
Einnig er Dimma komin í hólf hjá Auði frá Lundum þeim mýktar og fótaburðarhesti.
Þá fór Spurning undir Roða frá Múla sem fyrir löngu er búinn að sanna sig sem kynbótahestur.
Í vor fórum við með Þraut í sæðingar í Dýrfinnustaði þar sem hefur gengið illa að koma í hana fyli undanfarin ár, en það gekk því miður ekki svo hún var sett hjá tveggja vetra fola Gelli undan Gamm frá Steinnesi sem við eigum og vonum við það besta.
  • 1