Tenglar

Nafn:

Hafdal-Hestar ehf

Farsími:

895-1118

Heimilisfang:

Glæsibær 2

Staðsetning:

Eyjafjörður

Kennitala:

660410-0820
Flettingar í dag: 1
Gestir í dag: 1
Flettingar í gær: 99
Gestir í gær: 19
Samtals flettingar: 360089
Samtals gestir: 84880
Tölur uppfærðar: 31.3.2017 00:21:47

Færslur: 2008 Október

20.10.2008 14:34

Hitt og þetta

Hrossastóðið
Í dag er leiðinda veður og á köflum hálfgerð stórhríð, um helgina var haldin sölusýning í reiðhöllinni á Akureyri var þetta fín sýning og tölvert af góðum hrossum,ég fór með tvo hesta þá Stæl f. Glæsibæ og Ástrík f. Y-Skjaldarvík og gekk það bara vel. Í gær sunnudag rákum við stóðið heim og gáfum ormalyf einnig sleppti ég nokkrum hrossum upp í heiði þá tókum við folaldsmerarnar úr og settum við þær upp á tún, það er gaman að hafa folöldin svona heima við og geta fylgst með þeim.

13.10.2008 14:32

Tamingar

Þrammi
Þá eru 3.-4. vetra tryppin orðin reiðfær og ætlunin að sleppa 3.vetra tryppunum nú í vikunni það hefur gengið ótrúlega vel með þennan hóp en í honum eru Þrammi undan Þrá f. Glæsibæ og Ofsa f. Brún, Svala undan Lipurtá f. Byrgisskarði og Sám f. Litlu-Brekku, Hvellur undan Hremmsu f. Glæsibæ og Mola f. Skriðu, Vídalín undan Viggu f. Skjaldarvík og Stæl f. Miðkoti og Kvika undan Dimmu-Nótt f. Skjaldarvík og Stæl f. Miðkoti, 4vetra tryppin voru tvö og er ætlunin að halda áfram með þau enda stór og stæðileg en þau eru Víma undan Þraut f. Glæsibæ og Adam f. Ásmundarstöðum og Goði undan Hremmsu f. Glæsibæ og Adam f. Ásmundarstöðum.

12.10.2008 14:30

Sauðfjárrækt (eigið fé)

Sauðfé
Í vikunni var lógað og var meðalviktin 20,4 kg sem er það sama og í fyrra, annars er það að frétta af sauðfjárbúskapnum að við heimtum ekki í öðrum göngum það sem okkur vantaði, en í gær laugardag var farið í eftirleitir og þar sem mér er málð skilt og mig vantaði Surtlu mína og hún hafði snúið á gangnamenn bæði í fyrstu og öðrum göngum þá söðlaði ég hann Ástrík minn og tók Pílu með mér og fór með gangnamönnum upp í heiði og eftir mikil reið um mýrar og móa, hróp og köll í 5-6 tíma þá höfðu við Surtlu og eitt lamb og veturgamla ær úr Hellulandi svo í dag sunnudag fórum við Stæll og Píla aftur upp í heiði með félögunum þar sem vitað var um lömb fram við Krossastaðagil og eftir margra tíma leit hættum við án þess að finna lömbin þannig að enn vantar mig eitt lamb, en það, vonandi er þetta ekki glatað fé.

04.10.2008 14:28

Hrossaréttir

Hrossaréttir
Skrapp í Svarfaðardalinn í Tungurétt en þar rétta Svarfdælingar sínum hrossum veður var gott sól og stilla en snjór á jörðu, þetta er ekki stór rétt en mikið af fallegum hrossum það sem mér þótti eftirtektarverðast við þessar réttir var að sjá hvernig menn drógu hrossin í sundur en þeir slá skjaldborg utanum hrossin svo er eitt eða tvö hross tekin út úr og þau sett inn í dilka og svo koll af kolli þar til allt er búið allt svo stillt, rólegt, fumlaust og gott fyrir hrossin
  • 1